طفح الكيل

لفئة معينة من الناس ...! ثالث تدوينة تبارك الرحمن

نفس عميق

30 مرة بكتب فى كومنت وامسحه لعيون الناس المحترمة

بس طفح الكيل المرة دي

واحد يجيني و يلم في روابط الحلقة 2 من آلام الغاضبة ويقول

نزلت يعني اصحوا يانايمين < سيبوا العيش لخبازه احنا اللى بنترجم واحنا ادرى منكم

الترجمة نزلت ولا لا 

مع أن الهوم بيج في صفحتي هو موقع فيكي

يجيك رد ويقول عادي نزلوها ناقصة وبعدين عدلوها

بجد ... والله ما كنتش اعرف .. 

تعالى يامرفت ابقى عيدى الأنتاج والرفع مرتين ، انتى وراكى حاجة

غير تعيدى انتاج ورفع -_- وانا ورايا حاجة غير اترجم التترات الناقصة

وبعدها تلاقى الردود التحفة اللى زى دى 

 امممممم حاسة وكان اللى بيكتب طفل فى كي جي وان .. يعجز لسانى على التعبير صراحة 

بس حقول حاجة ليكِ ولامثالك ... روحى اتفرجى انجليزى 

وريحى نفسك  .. احسنلك والله

بجد بعد ماشفت من حق اى فريق يوقف ترجمة .. ويثبت انه حر 

مش عبد عند حد منكم 

الناس اللى بتطلب نمسك درامات جديدة مش حترجم حاجة غير اللى عندى دلوقتى

فى حاجة اسمها ملاحظات فى ركن افتحوا عيونكم كويس ، اى حاجة بتنكتب فيها

لانى مش حرد مستقبلاً على اي حد كاتب كومنت بيسال فيه 

فى كل ركن من المدونة